Author: admin

2026 Breakdown of Generation Rates/Advisories

GENERATION CHARGES BREAKDOWN – ENERO 2026

admin

Arun klaro sa atong mga member-consumer-owners (MCOs) ang breakdown sa atong balayranan sa generation matag bulan karung tuiga ug sa umaabot, ania ang binulan nga “Breakdown of Generation Rates” o ang atong balayrunon sa kuryente ngadto sa mga independent power producers (IPP) o generation (suppliers) nga atong gi-angkatan sa kuryente niadtong bulan sa Enero 2026.

Gimando sa Energy Regulatory Commission (ERC) ang tanan distribution utility sa tibuok nasud sa istrikto nga pag-paskin o pag-publish sa binulan nga generation rates breakdown sa tanang planta diin nag-angkat kini sa enerhiya | kuryente.

Kini arun makita sa tanan konsumidor sa kuryente asa gayud ang dako ug pahat sa charges sa sa tanan players sa paghimo, pakutay ug pag-apud’apud sa gahum dagitab.

Ang MORESCO-1 adunay takus sa pagpili sa kung kang kinsa nga IPP mukuha ug kuryente alang sa iyang distribution feeds arun maka-minimize sa monthly power rates niini.

Daghang salamat.

Advisories/BOARD OF DIRECTORS and District Elections/Posts

PAHIBALO ALANG SA TANANG MGA MEMBER-CONSUMER-OWNERS (MCOs) sa LIBERTAD DISTRICT

admin

Ang MORESCO-1 nagpahibalo sa tanang mga Member-Consumer-Owners (MCO) nga pagahimoon ang District Election sa District 5 – Libertad arun sa pagpili sa representante sa maong Distrito ngadto sa Hunta Directiba sa MORESCO-1. Kini pagahimoon karung Sabado, Abril 11, 2026, gikan sa alas-8:00 sa buntag hangtud alas 3:00 sa hapon, sa Libertad National High School.

Giawhag ang tanang kwalipikadong MCO nga susihon ang ilang ngalan sa Masterlist of Voters nga gipahimutang sa Municipal Hall Bulletin Board, Barangay Bulletin Boards, ug sa MORESCO-1 Corner. Importante kini aron masiguro nga kamo rehistrado ug adunay katungod sa pagboto. Palihog hinumdumi nga ang mga bag-ong miyembro nga wala pa makakompleto og 90 ka adlaw nga membership sa dili pa ang adlaw sa eleksyon, dili pa mahimong makabotar.

Gidasig usab ang tanan nga tan-awon ang Calendar of Activities, ilabi na ang Inclusion–Exclusion Period, aron mahibal-an ang hustong pamaagi sa pagpaapil o pagpausab sa inyong rekord kon gikinahanglan. Kini aron malikayan ang bisan unsang kalibog o problema sa adlaw sa eleksyon.

Sumala sa By-Laws sa kooperatiba, hugot nga gidili ang proxy voting. Busa, ang matag MCO kinahanglan personal nga motambong aron makabotar. Palihog dad-a ang inyong valid ID alang sa hapsay ug paspas nga verification sa polling area.

Ang inyong aktibong partisipasyon maoy nag-palig-on sa atong Kooperatiba sa kuryente ug naghatag og direksiyon sa atong liderato. Ang inyong boto, ang inyong tingog.

Posts

MORESCO-1 DISTRICT ELECTIONS – DISTRICT 4 (INITAO) – Sabado, Marso 28, 2026 / INCHS Initao

admin

Maayong adlaw sa atong mga pinalanggang Miyembro-Konsumante-Tag-iya sa MORESCO-1 labi na gayud ang mga MCO sa DISTRICT 4 (Initao).

Human sa pagtuki sa atong Screening Committee pinaagi sa Resolution Number 2 Series of 2026 alang sa Piniliay nato sa Representante sa Hunta Direktiba sa atong District 4 (Initao) karung Sabado, Marso 28, 2026, kamo gipahibalo nga aduna kitay usa ra ka Qualified Candidate nga mudagan ug magpa pili isip Board of Director. Busa usa kini ka UNCONTESTED Election. Ang atong official candidate mao si:

EDGAR GALARPE BUHIAN

TUNGUD KAY UNCONTESTED MAN KINI NGA ELECTION, DILI NA KINAHANGLAN NGA MAGTAPOK PA ANG ATONG MGA MEMBER-CONSUMER-OWNERS ARUN SA PAGBUTAR SA ATONG MGA ASSIGNED PRECINCTS SA PRE-ARRANGED ELECTION VENUE – INITAO NATIONAL COMPREHENSIVE HIGH SCHOOL.

Ato lamang nga pormal nga paga-abrehan ang atong gitagana nga ballot box karong Sabado, Marso 28, 2026 sa alas otso (08:00hs) sa buntag, i-hulog ang bisan 3 – 5 lamang ka mga official ballots nga i-cast arun ma-tala nga nahitabo gayud ang usa ka election. Dinha na dayun i-proklama ug i-hurar ang napili nga kandidato (midaug).

Daghang Salamat.