POWER RATES – March 2022

PAHIBALO PARA SA TANAN NATONG MGA MEMBER-CONSUMER-OWNERS (MCOs)

MAO KINI ANG ATONG “POWER RATES UPDATE” alang sa atong mga RESIDENTIAL CONSUMERS para sa Billing Month sa Marso 2022 —-Php13.1346 /kWh

Adunay pagsaka sa presyo sa kuryente balor ug 1.1396 centavos kada kWh tungod kay ang Systems Loss Rate misaka ug Php 0.0070 /kWh ug ang Power Act Reduction Rate miubos ug 0.0228.Gusto natong ipahinumdom sa tanang mga MCOs nga ang taripa sa MORESCO-1 striktong ginapasubay ug gina-regulate sa Energy Regulatory Commission (ERC). Maong ang atuang Power Bill Computation naka-base sa mga balaud nga gina-pagawas sa ERC, kung diin:

1. GENERATION, TRANSMISSION ug GOVERNMENT CHARGES – Ihan-ay kini isip mga “Pass-Through Costs”. Tungod kay ang MORESCO-1 usa ka non-stock, non-profit, service oriented nga kooperatiba sa serbisyo sa kuryente, dili kita pwede magpa-tubo. Kung unsa gayud ang tinuod ug tataw nga palit sa pag-angkat sa kuryente gikan sa mga Power Generation Companies, mga gasto sa atong pag-gamit sa mga High Voltage Power Lines sa NGCP para maabot ang gipang-angkat nga kuryente ni MORESCO-1 sa iyang mga substations ug ang buluwisan sa kuryente, mao lamang sab ang sukton ug walay bisan pila ka sentimo nga nadugang.

2. DISTRIBUTION CHARGE – Kini mao ang galastohan sa pag-apud-apud sa kuryente nga mupa-ingon sa atuang MORESCO-1. Isip usa ka non-stock, non-profit, service oriented nga kooperatiba sa kuryente, ang taripa dili pwede magpa-ginansya, dapat igu lamang para sa atuang Operation, Maintenance ug Capital Expenditure Projects. Kini naka-basi sa ERC Rules for Setting Electric Cooperatives’ Wheeling Rates (RSEC-WR).

Ang pag-saka sa taripa nga mukabat Php1.1396/ kwh alang sa mga residential customers nagumikan sa mosunod:

1) Generation Rate – Php 1.0355 /kWh

2) Transmission Rate – Php 0.0268 /kWh

3) Power Act Reduction Rate miubos ug 0.0228

Bisan adunay pagsaka:

1) System Loss Rate by – Php 0.0070 /kWh

Mi’resulta sa atong effective residential rate balor ug Php13.1346 /kWh

Samtang and Low Voltage adunay kinatibuk’ang pag-saka ug 1.0947 nga adunay effective rate balor ug Php13.1346 /kWh samtang ang High Voltage adunay kinatibuk’ang pag-saka ug 1.0095 ug adunay effective rate balor ug Php11.3803 /kWh.

ATONG MAKITA SA ATONG ELECTRIC BILL NGA ANG KAUSABAN SA ATUANG TARIPA SA KURYENTE SA MATAG BULAN GAAGAD LAMANG SA ACTUAL NGA KAUSABAN SA MGA PASS-TROUGH COSTS NGA GILANGKUBAN SA GENERATION, TRANSMISSION, UG GOVERNMENT CHARGES.

SALAMAT SA INYONG MAKANUNAYON NGA SUPORTA, KA-MORESCO-1!

52nd Annual General Membership Meeting and 54th Foundation Anniversary

TINAHOD NGA MGA MEMBER-CONSUMER-OWNERS (MCOs): Karong bulan sa ABRIL 2022 ipahigayon ang pinasahing Ika-52 nga ANNUAL GENERAL MEMBERSHIP ASSEMBLY (AGMA) ug Ika-54 anyos nga kasumaran sa pagkahimugso sa atong Kooperatiba.

Kini pagahimoon pinaagi sa gitawag nga Sequential AGMA ug ipahigayon sa matag Distrito sa Virtual nga pamaagi ug tapuson kini pinaagi sa usa ka Franchise-Wide Virtual Assembly nga ipahigayon human ang mga District Assemblies.

Sama sa gihapon wala nato itugot ang PROXY. Tungod niini gihangyo kamong mga Member-Consumer-Owners (MCOs) sa pag-apil arun atong tambayayongan ang kawsa niining panahona nga anaa kita sa Pandemya.

Kita usab mo-adopt sa hini’usang tema sa kinatibuk-ang pundok sa mga Electric Coops sa nasud: “LEAVING NO ONE BEHIND: Achieving Total Electrification and Realizing Social Equitability thru Empowerment of the Rural Communities” nga kung atong hubaron sa atong lokal nga pinulungan – “WALAY BISAN USA MAHIBILIN: Pagkab’ot sa Kinatibuk’ang Pag-Dan’ag ug Pag’amgo sa Katilingbanong Kaangayan Pinaagi sa Paghatag’gahum ngadto sa mga Banikanhong Komunidad.”

Kini mao ang mosunod nga mga schedule sa VIRTUAL SEQUENTIAL AGMA. Giaghat kamo sa pag-apil lamang sa Distrito diin kamo nahasikap.

APRIL 5 Talakag & 11 CDO Barangays

APRIL 7 Opol & 4 CDO Barangays

APRIL 8 El Salvador

APRIL 19 Alubijid

APRIL 21 Laguindingan

APRIL 22 Gitagum

APRIL 26 Libertad

APRIL 27 Initao

APRIL 28 Naawan

APRIL 29 Manticao

APRIL 30 Lugait

MAY 21 54TH FOUNDATION DAY / Franchise Wide AGMA

Atangi ang mga postings kabahin niining importanteng kalihukan sa atong Kooperatiba dinhi sa atong Facebook Page, sa uban nato nga mga social media platforms (LinkedIn | Twitter | Instagram ) ug sa atong MORESCO-1 website.

#moresco1 #EnergizingDevelopment #EmpoweringLives #52ndAGMA #54thFoundationDay #VirtualSequentialAGMA #LeavingNoOneBehind