Ang Misamis Oriental-1 Rural Electric Service Cooperative, Inc (MORESCO-1) mihangyo sa publiko sa pag report sa mga pilferers ug mga illegal nga mga koneksiyon sa kuryente arun sa paghunong sa pagpangawat sa kuryente.
Ang MORESCO-1, mipagawas bag-o pa lamang sa “Bantay-Boltahe” Program isip kampanya sa pagpahibalo kabahin sa Policy To Reward Tipster For Pilferage Activities Having Differential Billing Computations – diin ang mga tipsters makadawat ug mga ganti o rewards kung ang ilang report kabahin sa power pilferage mapamatud’an nga positibo.
Ang ganti balor ug P500.00 sa matag kumpirmado ug naproseso nga report nga gi-sumiter sa usa ka regular nga empleyado sa MORESCO-1, ug walay labot ang mga sakop sa Energy Recovery Team sa maong Kooperatiba.
Usa ka ganti usab balor P1,000.00 sa matag kumpirmado ug na proseso nga report nga gisumiter sa bisan kinsa nga outsource o contractual nga empleyado sa MORESCO-1 o sa uban pa nga adunay personal nga kahibalo sa mga gi-sumiter nga mga kalapasan o violations.
Adunay premyo o ganti ang matag usa ka account o connection. Kung adunay mo-report ug pipila ka nga accounts ug kumpirmado nga positibo human ang pagtuki ug pagsusi sa mga kalapasan, matag usa ka account adunay ganti nga mapaabot.
Isugoro sa MORESCO-1 nga ang confidentiality sa matag report. KINI NGA MGA GANTI EXCLUSIVE LAMANG NGADTO SA MGA REPORTED PILFERAGES NGA ADUNAY DIFFERENTIAL BILLING COMPUTATIONS.
Ang mga illegal o ginadili nga mga kalihukan ubos sa Akta Republika (RA) 7832, o ang Anti-Electric Transmission Lines/Materials Pilferage Act of 1994, naglakip sa mga electric tamper, jumper, flying connections, pagamit sa usa ka current reversing transformer, illegal transformer, transfer of meter, shorting or shunting sa mga wires in meter socket, pagamit sa loop connection, ug pagdaut sa meter, mga ekipo, wire ug mga conduit.
Ang mga makalapas mag-atubang ug unom ngadto sa 12 ka tuig nga pagkabilanggo, ug multa balor P10,000 ngadto sa P20,000, apil na usab ang pagbayad sa differential billing sa milabay nga lima ka tuig apil na ang mga surcharges niini.
Kung naa kamo’y gusto i-report, pwede mutawag sa mga Customer Welfare Officers (CWOs) niini nga mga Service Areas:
SERVICE AREAS
Talakag Service Area (TSA)
0917-553-5232
Laguindingan Service Area (LSA)
0917-848-1624
Manticao Service Area (MSA)
0998-554-7020
Opol Service Area (OSA)
0917-709-1549
Canitoan Sub-Office (CSO)
0917-706-3151
24 HOUR CUSTOMER SERVICE HOTLINE NUMBERS:
GLOBE
0917-325-8560 (Texts)
0917-794-8314 (Calls)
SMART
0920-955-8560 (Texts
0949-889-2047 (Calls)
Ang pagka Bantay-Boltahe o Magbalantay sa Kuryente usa ka hiniusang responsibilidad sa Kooperatiba ug sa mga miembro-konsumante niini.