Advisories/Posts/Residential Power Rates

OKTUBRE 2025 NGA MGA TARIPA

admin

Pangpasabot:


Residential Customers

Adunay kinatibuk-ang pagkunhod sa residential rate nga PHP 1.0840/kWh. Ang Generation Rate mikunhod og PHP 0.6562/kWh. Ang maong pagkunhod tungod sa mosunod nga mga hinungdan:

  1. Mibalik na sa operasyon ang usa ka yunit sa FDC nga miagi og Preventive Maintenance Service sa miaging billing period.
  • Tungod sa igo nga suplay sa kuryente, mikunhod usab ang presyo sa Wholesale Electricity Spot Market (WESM).

Adunay usab pagkunhod sa Transmission Rate, tungod sa pagminus sa Ancillary Services – Reserve Market rates, nga nagresulta sa indikasyon nga pagkunhod nga PHP 0.2762/kWh alang sa Transmission Charges.

Ang atong System Loss Rate mikunhod usab og PHP 0.0341/kWh.

Tungod niini, ang bag-ong effective residential rate karong Oktubre 2025 mao ang PHP 11.1116/kWh.

Non-Residential Customers

  • Ang Low Voltage Customers makasinati og net decrease nga PHP 1.1143/kWh, nga magresulta sa effective rate nga PHP 10.2481/kWh.
Ang LOW VOLTAGE CONSUMERS mao kadtong mga konektado sa kuryente nga gi-tap sa secondary lines sa MORESCO-1 o kadtong mga linya nga molabay human sa mga transformer. Ang mga linya sa low voltage nagdala og rango sa 240 hangtud 480 volts sa kuryente. Pipila sa mga ehemplo mao ang mga gamay nga komersyal, mga street light, ug uban pang mga pampublikong pasilidad.
  • Ang High Voltage Customers makasinati usab og net decrease nga PHP 0.7736/kWh, nga magresulta sa effective rate nga PHP 9.2109/kWh.
Ang HIGH VOLTAGE CONSUMERS mao kadtong mga gagamit nga ang ilang koneksyon sa kuryente gi-tap sa primary lines sa MORESCO-1 o kadtong mga linya nga molabay sa unahan sa transformer. Ang mga linya sa high voltage nagdala og 7.62 kilovolts (kV), 13.2 kV o 23 kV nga kuryente. Pipila sa mga ehemplo mao ang dagko nga komersyal, mga planta ug mga espesyal nga operasyon nga adunay industrial nga load.

PALIHUG AYAW NA PAGLANGAN SA PAGBAYAD SA INYONG BINULAN NGA BALAYRONON SA KURYENTE, KAY ATO NANG GIPAHAMTANG ANG ‘ONE MONTH DISCONNECTION POLICY.”

DAGHAN SALAMAT SA INYONG MAKANUNAYON PAGSUPORTA.

(Impormasyon bahin sa Pagbaligya sa Enerhiya ug mga Rate sa Kuryente gi-andam ni Energy Trading Chief, Engr. Jamie Daisylette Dapal , REE ug ang Social Media Posting gipahimutang sa CPRO sa Institutional Services Department)