Posts

MGA INFOGRAPHIC NGA DUGANG MAGPASABOT SA ATONG MGA MCO MAHITUNGUD SA TAAS NGA BALOR KURYENTE

admin

Gusto natong ipahinumdom sa tanang mga MCOs nga ang taripa sa MORESCO-1 striktong ginapasubay ug gina-regulate sa Energy Regulatory Commission (ERC). Maong ang atuang Power Bill Computation naka-base sa mga balaud nga gina-pagawas sa ERC, kung diin:

1. GENERATION, TRANSMISSION ug GOVERNMENT CHARGES – Ihan-ay kini isip mga “Pass-Through Costs”. Tungod kay ang MORESCO-1 usa ka non-stock, non-profit, service oriented nga kooperatiba sa serbisyo sa kuryente, dili kita pwede magpa-tubo. Kung unsa gayud ang tinuod ug tataw nga palit sa pag-angkat sa kuryente gikan sa mga Power Generation Companies, mga gasto sa atong pag-gamit sa mga High Voltage Power Lines sa NGCP para maabot ang gipang-angkat nga kuryente ni MORESCO-1 sa iyang mga substations ug ang buluwisan sa kuryente, mao lamang sab ang sukton ug walay bisan pila ka sentimo nga nadugang.

2. DISTRIBUTION CHARGE – Kini mao ang galastohan sa pag-apud-apud sa kuryente nga mupa-ingon sa atuang MORESCO-1. Isip usa ka non-stock, non-profit, service oriented nga kooperatiba sa kuryente, ang taripa dili pwede magpa-ginansya, dapat igu lamang para sa atuang Operation, Maintenance ug Capital Expenditure Projects. Kini naka-basi sa ERC Rules for Setting Electric Cooperatives’ Wheeling Rates (RSEC-WR).

Atong natagamtam karun ang pwerhisyo sa kataas sa balor sa kuryente nga gipasa ngadto sa mga konsumante niini. Sa miaging semana, gipahigayon ang usa ka press conference nga eksaktong gi-mantala nga “Presyo sa Kuryente : AltaPresyon sa Konsumante” diin gi-explain sa nagkadaiyang mga speakers ngano gayud nga taas kaayo ang atong power rates sa pipila na nga nangagi nga bulan.
Palihug ug tan-aw sa inyong electric bill kada bulan ug makita ninyo nga ang GENERATION, TRANSMISSION ug mga GOVERNMENT TAXES nag naay movement sa RATE kada bulan ug wala sa DISTRIBUTION UTILITIES sama sa MORESCO-1.
Ang gasto sa pag’generate sa kuryente mopaingun sa generation charge. Mao nga, sa gidak-on sa bahin sa coal sa generation mix, ang epekto niini sa generation charge, taas ug dako usab.
Samtang ang presyo sa COAL motaas, pwede ra usab ang presyo sa elektrisidad dili muuban ug taas kay aduna pay ubang hinungdan nga kini mausab, sama sama sa COAL INVENTORY sa ubang planta sa kuryente, pag-usab sa generation mix, system and policy changes and developments ug daghan pang uban.
Makita niini nga infographic nga sa GENERATION COST sa COAL POWER PLANTS apil niini ang fuel cost, kung mumahal ang gasolina, ipatong usab kini sa mga GENERATION COMPANIES sa ilang rate per kwh nga gipalit nato
Kining mosunod ang angay nato hinumduman nga nung taas ang atong presyo sa kuryente:
1. ANG COAL MAOY NAG-DOMINATE SA ATONG POWER GENERATION MIX.

2. ANG GENERATION CHARGE MAOY DAKO UG PAHAT SA IMONG BALAYRONON SA KURYENTE.

3. APIL USAB ANG FUEL COST ANG IPATONG SA GENERATION COSTS SA COAL POWER PLANTS.

4. ANG GASTO SA SUGNUD MAOY USA SA HINUNGDAN SA DAKO NGA ELECTRICITY RATES.

5. ANG MORESCO-1 WALA GAPATONG UG ADDITIONAL COST SA DISTRIBUTION SA KURYENTE SA DUGAY NGA PANAHON.