“Sa matag reklamo nga atong gibungat, matag bagutbut ug tamudmud nga imong ipaabot, singut ug kakulba ang ilang nasinati. Bisan kini ang dalan sa serbisyo nga ilang gipili nga tahakon, hinaot dili mutigbabaw ang atong kasuko ug kakulangon sa pagtahud kanila. Hinoon, ato silang sabton ug tagaan sa pagpahinungud – tungud kay wala nay lain makahatag kanato sa kahayag taliwala sa kangitngit.”
Gisaulog niatong adlaw nga Lunes, Agosto 1 ang Linemen Appreciation Day sa tibouk nasud. Gi’obserba sa mga linemen sa MORESCO-1 ang selebrasyon pinaagi sa gihimong virtual program nga gipangunahan sa PHILRECA uban sa linemen sa ubang Electric Cooperatives sa tibuok nasud.
Ang kini nga adlaw gihatag kini aron sa paghatag ug pag-ila sa gipakitang dedikasyon sa mga linemen sa pagsiguro nga duna kitay malahutayong supply sa kuryente sa atong panimalay ug mga industriya sulod sa prangkes niini.
Balik lantaw niadtong August 3,2020, nag file ang Philippine Rural Electric Cooperatives Association, Inc (PHILRECA) ug House Bill No. 472 nga gitawag nga “An Act Proclaiming The First Monday of August Every Year as Linemen Appreciation Day” aron sa paghatag ug pag-ila sa nahimo ug mga dagkong kontribusyon sa mga linemen o “Warriors of Light” nga buntag ug gabii nagtrabaho para makanunayon ang sugang dagitab ug enerhiya sa kuryente nga gipakutay ngadto sa pinaka-suok nga sityo sa nasud.
#moresco1 #energizingcommunities #empoweringlives #2022linemenappreciation