Category: Posts

PAHIBALO PARA SA TANAN NATONG MGA MEMBER-CONSUMER-OWNERS (MCOs)

MAO KINI ANG ATONG “POWER RATES UPDATE” alang sa atong mga RESIDENTIAL CONSUMERS para sa Billing Month sa MAYO 2022 : Php 12.60 / kWh.

Adunay pagkunhod sa presyo sa kuryente balor ug Php 0.0184 centavos kada kWh tungod kay ang Systems Loss Rate miubos apil na usab ang Transmission Rate. Hinoon ang misaka mao ang Generation Rate, RPT Rate, Business Tax ug Franchise Tax.

Gusto natong ipahinumdom sa tanang mga MCOs nga ang taripa sa MORESCO-1 striktong ginapasubay ug gina-regulate sa Energy Regulatory Commission (ERC). Maong ang atuang Power Bill Computation naka-base sa mga balaud nga gina-pagawas sa ERC, kung diin:

1. GENERATION, TRANSMISSION ug GOVERNMENT CHARGES – Ihan-ay kini isip mga “Pass-Through Costs”. Tungod kay ang MORESCO-1 usa ka non-stock, non-profit, service oriented nga kooperatiba sa serbisyo sa kuryente, dili kita pwede magpa-tubo. Kung unsa gayud ang tinuod ug tataw nga palit sa pag-angkat sa kuryente gikan sa mga Power Generation Companies, mga gasto sa atong pag-gamit sa mga High Voltage Power Lines sa NGCP para maabot ang gipang-angkat nga kuryente ni MORESCO-1 sa iyang mga substations ug ang buluwisan sa kuryente, mao lamang sab ang sukton ug walay bisan pila ka sentimo nga nadugang.

• DISTRIBUTION CHARGE – Kini mao ang galastohan sa pag-apud-apud sa kuryente nga mupa-ingon sa atuang MORESCO-1. Isip usa ka non-stock, non-profit, service oriented nga kooperatiba sa kuryente, ang taripa dili pwede magpa-ginansya, dapat igu lamang para sa atuang Operation, Maintenance ug Capital Expenditure Projects. Kini naka-basi sa ERC Rules for Setting Electric Cooperatives’ Wheeling Rates (RSEC-WR).

1) Systems Loss Rate miubos ug Php 0.0324 /kWh

2) Transmission Rate miubos balor ug P0.0395 / kWh

Kung tan-awon ang pag-ubos sa taripa nga mukabat Php0.0194 / kwh alang sa mga residential customers nagumikan sa pag-ubos sa mosunod:

Bisan adunay pagsaka sa mosunod:

1. Generation Rate misaka ug Php0.0219
2. RPT Rate misaka ang balor ug Php0.0110/kWh
3. Business Tax Rate misaka ang balor ug  Php0.0089/kWh
4. Franchise Tax Rate misaka ang balor ug Php0.0023/kWh

Mi’resulta sa atong effective residential rate balor ug Php 12.60/kWh

Samtang and Low Voltage adunay kinatibuk’ang pag-ubos ug 0.0572 nga adunay effective rate balor ug Php11.7515 /kWh samtang ang High Voltage adunay kinatibuk’ang pag-kunhod ug 0.0621 ug adunay effective rate balor ug Php10.9557 /kWh.

ATONG MAKITA SA ATONG ELECTRIC BILL NGA ANG KAUSABAN SA ATUANG TARIPA SA KURYENTE SA MATAG BULAN GAAGAD LAMANG SA ACTUAL NGA KAUSABAN SA MGA PASS-TROUGH COSTS NGA GILANGKUBAN SA GENERATION, TRANSMISSION, UG GOVERNMENT CHARGES. SALAMAT SA INYONG MAKANUNAYON NGA SUPORTA, KA-MORESCO-1!

Among gipahibalo kadtong mga MCO nga naka-ON BOARD niadtong atong gihimo nga 2022 Virtual Sequential AGMA niadtong Abril 5 – 31, ug Franchise-Wide Annual General Membership Assembly (All-Zoom) niadtong May 21, kabahin niining musunod:

?DATA REFUND – kini alang lamang niadtong naka ONBOARD o naka-apil sa virtual AGMA nga matagaan ug refund balor ug P100 nga i-deduct sa billing sa bulan sa Mayo nga ihatag ngadto sa MCO sa bulan sa Hunyo, karung tuiga.

?RAFFLE PRIZE – kini alang niadtong naka-DAUG sa Raffle Draw nga gihimo matag virtual AGMA matag Distrito nga balor ug P500 nga i-deduct sa billing sa bulan sa Mayo nga ihatag ngadto sa MCOsa bulan sa Hunyo, karung tuiga.

Kung recipient ka niini, kining DATA REFUND ug RAFFLE PRIZE inyong makita sa inyong billing statement sa account title nga ADVANCED PAYMENT.

PANANGLITAN:
Nag – onboard ka sa AGMA nga gihapigayon – P100 Winner ka usab sa Raffle Draw (Ka-Swerte nimo!) – P500 Total nga Kantidad – P600

Imong makita ang imong deductibles nga P600 sa imong Billing Statement dinha sa ADVANCED PAYMENTS sa Mayo 2022.

Sa dugang klaripikasyon, pangutana ug kumpirmasyon tawag niining mga numero.

GLOBE:0917 325 8560 (TEXTS) or 0917 794 8314 (CALLS)
SMART:0920 955 8560 (TEXTS) or 0949 889 2047 (CALLS)

TINAHOD NGA MGA MIYEMBRO-KONSUMIDOR SA DISTRITO SA INITAO

Gipahibalo kamo nga atong pagahimoon ang Usa (1) ka District Election sa DISTRICT 4 (INITAO) karung petsa June 25, 2022, usa ka adlaw nga Sabado. Kini pagasugdan sa alas 8:00 sa buntag ug pagahumanon sa alas 3:00 ang takna sa kahaponon.

Kini pagahimoon sa Initao National Comprehensive High School.

Ang mga miyembro nga bag-ohay pa lamang nga naa mahisulod sa 90 ka adlaw sa dili pa ang eleksyon dili pa pwede nga makabotar.

Busa palihog tan-awa ninyo ang inyong ngalan sa gipang mantala ug giplastar nga mga Masterlist of Voters sa inyong Municipal Hall Bulletin Board ug Barangay Bulletin Board sa MORESCO-1 Corner aron inyong matino daan kong nahilakip ba kamo sa maong Masterlist.

Palihog susiha usab ang Calendar of Activities nga among gipasukip dinhi ug gipaskin sa mga tataw nga mga lugar sa Initao aron inyong masusi kong anaa pa ba kamo sulod sa Inclusion-Exclusion Period o aron mahisubay kamo sa insakto nga schedule of activities sa election.

Ato usab nga ipahinumdum nga sumala sa atong by-laws dili pwede makabotar ang proxy. Palihug usab sa pagdala sa imong ID Card aron mas sayon ug dali ang pag verify kanimo panahon sa election.Alang sa kasayuran sa tnang gusto modagan, ang ma-elect niini nga election moserbisyo lamang sa nahibilin nga adlaw sa maong termino kay mag election na usab kita sunod tuig 2023 kay mao man ang regular nga schedule sa Distrito sa Initao.

Ikalipay namo ug dako ang inyong pakiglambigit niining importante nato nga kalihukan.

Daghang Salamat.