Category: Advisories

TINAHOD NGA MGA MIYEMBRO-KONSUMIDOR SA DISTRITO SA OPOL (DISTRICT 10)

Gipahibalo kamo nga atong pagahimoon ang usa ka District Election sa DISTRICT 10 (OPOL)  apil na usab ang lima ka Barangay sa dakbayan sa Cagayan de Oro – BAIKINGON, SAN SIMON, CANITOAN, CARMEN, PAGATPAT karung MARSO 23, 2024, usa ka adlaw nga Sabado. Kini pagasugdan sa alas 8:00 sa buntag ug pagahumanon sa alas 3:00 ang takna sa kahaponon.

Kini ipahigayon sa OPOL NATIONAL SECONDARY TECHNICAL SCHOOL (ONSTS) sa Opol, Misamis Oriental.

Ang mga miyembro nga bag-ohay pa lamang nga naa mahisulod sa 90 ka adlaw sa dili pa ang eleksyon dili pa pwede nga makabotar. Busa palihog tan-awa ninyo ang inyong ngalan sa gipang mantala ug giplastar nga mga Masterlist of Voters sa inyong Municipal Hall Bulletin Board ug Barangay Bulletin Boards sa MORESCO-1 Corner aron inyong matino daan kong nahilakip ba kamo sa maong Masterlist.

Palihog susiha usab ang Calendar of Activities nga among gipasukip dinhi ug gipaskin sa mga tataw nga mga lugar sa Opol aron inyong masusi kong anaa pa ba kamo sulod sa Inclusion-Exclusion Period o aron mahisubay kamo sa insakto nga schedule of activities sa election.

Ato usab nga ipahinumdum nga sumala sa atong by-laws dili pwede makabotar ang proxy. Palihug usab sa pagdala sa imong ID Card aron mas sayon ug dali ang pag verify kanimo panahon sa election.

Ikalipay namo ug dako ang inyong pakiglambigit niining importante nato nga kalihukan.

Daghang Salamat.

#PutMCOPowerInYourVote #EmpoweredMCOs

#energizingdevelopment #empoweringlives #moresco1 #2024DistrictElections 10

DISTRICT NINE (EL SALVADOR) ELECTION ADVISORY

MORESCO-1 DISTRICT ELECTIONS

DISTRICT 9 (EL SALVADOR)

Sabado, Marso 16, 2024

EL SALVADOR CITY CENTRAL SCHOOL (ESCCS)

Maayong adlaw sa atong mga pinalanggang Miyembro-Konsumante-Tag-iya sa MORESCO-1 labi na gayud ang mga MCO sa DISTRICT 9 (EL SALVADOR).

Human sa pagtuki sa atong Screening Committee alang sa Piniliay nato sa Representante sa Hunta Direktiba sa atong District 9 (EL SALVADOR) karung Sabado, Marso 16, 2024, kamo gipahibalo nga aduna kitay usa ra ka Qualified Candidate nga mudagan ug magpa pili isip Board of Director.

Busa usa kini ka UNCONTESTED Election. Ang atong official candidate mao si:

JOHN DERICK M. “BONG” LORONO

TUNGUD KAY UNCONTESTED MAN KINI NGA ELECTION, DILI NA KINAHANGLAN NGA MAGTAPOK PA ANG ATONG MGA MEMBER-CONSUMER-OWNERS ARUN SA PAGBUTAR SA ATONG MGA ASSIGNED PRECINCTS SA PRE-ARRANGED ELECTION VENUE — EL SALVADOR CITY CENTRAL SCHOOL (ESCCS)

Ato lamang nga pormal nga paga-abrehan ang atong gitagana nga ballot box karong Sabado, Marso 16, 2024 sa alas otso (08:00hs) sa buntag, i-hulog ang bisan 3 – 5 lamang ka mga official ballots nga i-cast arun ma-tala nga nahitabo gayud ang usa ka election. Dinha na dayun i-proklama ug i-hurar ang napili nga kandidato (midaug).

Daghang Salamat.

Maayong adlaw sa atong mga pinalanggang Miyembro-Konsumante-Tag-iya sa MORESCO-1 labi na gayud ang mga MCO sa Distrito sa ALUBIJID (DISTRICT 8).

Human sa pagtuki sa atong Screening Committee alang sa Piniliay nato sa Representante sa Hunta Direktiba sa atong District 8 (ALUBIJID) ugmang adlawa, Sabado, MARSO 9, 2024, kamo gipahibalo nga walay nag-sumiter sa ilang mga Letter of Intent to Run, mao nga wala kitay nakitang Qualified Candidate nga mudagan ug magpa pili isip Board of Director – – mao nga gideklara kini nga FAILURE OF ELECTION.

Ang MORESCO-1 Screening Committee nga gilangkuban sa mga miyembro sa Management Committee sa MORESCO-1 gikan sa Engineering Services Department, Finance Services Department ug gipanguluhan sa Institutional Services Manager, ang departamento nga maoy gi-mandato sa pagpadagan sa mga election-related activities sa Kooperatiba ubos sa mandato sa NEA Memo No. 2014-019 – 2014 Guidelines on the Conduct of EC District Election for Electric Cooperatives.” Dated 01 July 2014, Section 13.2.2 nga gaingun “In no less than seven (7) days before the election, the Screening Committee shall prepare the duly certified candidates and officially inform all applicants accordingly.”

TUNGUD KAY WALA MAN KITAY MAHIMO NGA ELECTION PINASUBAY SA NA-APROBAHAN NGA SCHEDULE OF DISTRICT ELECTION SA NATIONAL ELECTRIFICATION ADMINISTRATION (NEA), KAMI MAGPADALA NA USAB UG PROPOSAL O SUGYOT KABAHIN SA PAGPAHIGAYON SA USA NA USAB KA ELECTION ARUN MAKAPILI UG DIRECTOR ANG DISTRITO OTSO NGADTO SA HUNTA DIREKTIBA SA MORESCO-1.

SA PAGKA-KARUN, ANG ATO LAMANG PAABOTON MAO ANG DESISYON SA NEA SA SUNOD NGA SCHEDULE SA ELECTION SA DISTRITO SA ALUBIJID.

Daghang salamat sa inyong pagsabot.

Pahibalo gikan sa Institutional Services Department (ISD) sa MORESCO-1