Category: Advisories

Residential Customers (Panimalay)

Adunay kinatibuk-ang pagkunhod sa Residential Rate nga PHP 0.2713/kWh. Ang maong pagkunhod tungod sa mosunod nga mga hinungdan:

1. Ang Generation Rate mikunhod og PHP 0.4509/kWh.
   a. Ang variable rates sa pipila nato ka Independent Power Producers (IPPs) mikunhod; ug
   b. Sa panahon sa billing period, ang presyo sa Wholesale Electricity Spot Market (WESM) medyo mas ubos panahon sa off-peak hours. Apan, sa mga higayon nga misaka ang presyo sa spot market, nakahimo kita og pag-dispatch ug pagbaligya sa usa ka bahin sa atong sobra nga contracted energy ngadto sa WESM.

Subay sa pass-through treatment sa generation costs, ang kita gikan sa pagbaligya sa sobra nga enerhiya gibawas sa kinatibuk-ang gasto sa enerhiya nga napalit gikan sa WESM. Tungod niini, naminusan ang net generation cost, nga nakaamot sa pagkunhod sa Generation Rate alang sa maong billing period.

2. Ang System Loss Rate mikunhod usab og PHP 0.0117/kWh.
3. Ang Transmission Rate misaka og PHP 0.1054/kWh, nga tungod sa pagtaas sa Transmission Charge nga gisingil sa National Grid Corporation of the Philippines (NGCP). Dugang pa, adunay gamay nga pagtaas sa Coincident Peak Ratio, nga nagpasabot nga misaka ang energy input gikan sa Residential customers sa Enero 2026.
4. Dugang pa niini, subay sa Order sa Energy Regulatory Commission (ERC) nga gipagawas niadtong 30 Enero 2026, gi-aprubahan sa ERC ang Interim Relief sa petisyon sa National Power Corporation (NPC) aron makakolekta sa Universal Charge – Missionary Electrification (UC-ME) sa interim rate nga PHP 0.2763/kWh, nga gibahin sa mosunod:

• Universal Charge – Missionary Electrification (UC-ME) Subsidy Rate: PHP 0.2662/kWh (kaniadto PHP 0.1949/kWh)
• Universal Charge – Renewable Energy Developers’ Cash Incentive (UC-REDCI) Rate: PHP 0.0101/kWh (kaniadto PHP 0.0044/kWh)

Tungod niini nga mga kausaban, ang epektibong residential rate karon kay PHP 11.8714/kWh.

---

Non-Residential Customers

• Low Voltage Customers makasinati og net decrease nga PHP 0.1892/kWh, nga magresulta sa epektibong rate nga PHP 11.6507/kWh.

• High Voltage Customers makasinati usab og net decrease nga PHP 0.3878/kWh, nga adunay epektibong rate nga PHP 9.2594/kWh.

---

Giandam ni:
Jamie Daisylette S. Dapal, REE
Energy Trading Chief

Residential Customers (Mga Panimalay)

Adunay kinatibuk-ang pagsaka sa Residential Rates nga nagkantidad og PHP 0.6677/kWh. Kini nga pagsaka tungod sa mosunod nga mga hinungdan:

Ang Generation Rate misaka og PHP 0.4274/kWh.

1. Fuel rates – Misaka ang gasto sa uling (coal) nga gigamit isip tinubdan sa enerhiya sa atong Independent Power Producers (IPPs);
2. Technical Loss – Misaka ang atong technical loss nga miresulta sa pagkunhod sa Total Energy Input; ug
3. Yellow Alert sa Visayas Grid niadtong Disyembre – nagpasabot nga limitado ang supply ug duol na sa peak demand ang available nga kapasidad, nga miresulta sa pagsaka sa presyo sa Wholesale Electricity Spot Market (WESM).

Ang Transmission Rate misaka usab og PHP 0.1823/kWh tungod sa pagsaka sa Coincident Peak Ratio — nagpasabot nga misaka ang energy input nga gikan sa Residential customers niadtong Disyembre 2025. Tungod sa panahon sa kapaskuhan, kadaghanan sa atong mga konsyumer nagpabilin sa ilang mga balay, hinungdan sa mas taas nga konsumo sa kuryente.

Gawas pa niini, ang Energy Regulatory Commission (ERC) nagpagawas usab og mga pahibalo nga ipatuman ang koleksyon sa mosunod:

1. FiT-All (Feed-in-Tariff Allowance) – Ang bag-ong rate nga gitakda sa TransCo gikan PHP 0.2073 padulong PHP 0.2011/kWh;
2. GEA-All (Green Energy Auction Allowance) – usa ka pass-through charge nga gigamit sa pagbayad sa mga generator/supplier nga nakadaog sa Green Energy Auction sa Department of Energy (DOE) (solar, wind, hydro, biomass), aron suportahan ang dugang nga kapasidad sa renewable energy ug matuman ang energy mix target sa gobyerno; ug
3. RECs (Renewable Energy Certificates) – bayad alang sa pagpalit sa Renewable Energy Certificates gikan sa kwalipikadong renewable energy sources, isip pagtuman sa Renewable Portfolio Standards (RPS).

Bisan pa sa pagsaka sa ubang mga rate components, mikunsad ang System Loss Rate og PHP 0.0055/kWh.

Tungod niini nga mga kausaban, ang epektibong residential rate karon kay PHP 12.1427/kWh.

---

Non-Residential Customers (Dili Panimalay)

• Low Voltage Customers – adunay net increase nga PHP 0.8741/kWh, nga nagresulta sa epektibong rate nga PHP 11.8399/kWh.

Ang LOW VOLTAGE CONSUMERS mao kadtong mga konektado sa kuryente nga gi-tap sa secondary lines sa MORESCO-1 o kadtong mga linya nga molabay human sa mga transformer. Ang mga linya sa low voltage nagdala og rango sa 240 hangtud 480 volts sa kuryente. Pipila sa mga ehemplo mao ang mga gamay nga komersyal, mga street light, ug uban pang mga pampublikong pasilidad.

• High Voltage Customers – adunay usab net increase nga PHP 0.4706/kWh, nga may epektibong rate nga PHP 9.6472/kWh

Ang HIGH VOLTAGE CONSUMERS mao kadtong mga gagamit nga ang ilang koneksyon sa kuryente gi-tap sa primary lines sa MORESCO-1 o kadtong mga linya nga molabay sa unahan sa transformer. Ang mga linya sa high voltage nagdala og 7.62 kilovolts (kV), 13.2 kV o 23 kV nga kuryente. Pipila sa mga ehemplo mao ang dagko nga komersyal, mga planta ug mga espesyal nga operasyon nga adunay industrial nga load.

PALIHUG AYAW NA PAGLANGAN SA PAGBAYAD SA INYONG BINULAN NGA BALAYRONON SA KURYENTE, KAY ATO NANG GISUGDAN ANG ‘ONE MONTH DISCONNECTION POLICY.”

DAGHAN SALAMAT SA INYONG MAKANUNAYON PAGSUPORTA.

---

Giandam ni:
Engr. Jamie Daisylette S. Dapal, REE
Energy Trading Chief