Maayong adlaw sa atong mga pinalangga ug gikasaligan nga Miyembro-Konsumante-Tag-iya (MCO) sa MORESCO-1, ilabina sa mga sakop sa District 6 – Gitagum.
Sumala sa resulta sa deliberasyon sa Screening Committee, ug subay sa mga lagda sa atong Cooperative Election Guidelines, amo kamong pahibaloan nga alang sa District 6 (Gitagum) Board of Director elections karong Sabado, Hunyo 21, 2025, aduna lamang kita’y usa (1) ka kwalipikado nga kandidato nga misumiter ug nakapasar sa proseso sa aplikasyon ug beripikasyon.
Tungod niini, deklarado nga UNCONTESTED ang maong piniliay. Ang atong opisyal nga kandidato mao si:
SUSAN “LIKLIK” MATANOG BACULIO
Tungod kay wala nay lain nga kandidato, wala na tay pormal nga botohan nga ipahigayon. Apan, isip pagpanalipod sa integridad ug pormalidad sa proseso sa eleksyon, buhaton gihapon ang mosunod:
- I-abli ang ballot box sa GITAGUM CENTRAL SCHOOL sa alas 8:00 sa buntag,
- Ihulog ang 3–5 ka official ballots nga simbolikong representasyon sa botar,
- Human niini, ipahigayon dayon ang pormal nga proklamasyon ug panumpa sa atong napiling Board of Director.
Kini nga pamaagi nagtuman sa mandato nga bisan pa man sa uncontested election, magpabilin ang transparency ug pormal nga dokumentasyon sa proseso.
Nagpasalamat kami sa inyong kanunay nga suporta ug aktibong partisipasyon sa tanang kalihokan sa kooperatiba. Ang inyong pagpakabana maoy tinubdan sa kusog ug kalampusan sa atong MORESCO-1.
Padayon ta sa pagserbisyo ug panaghiusa!
Daghang salamat.
