Adunay kinatibuk-ang pagsaka sa residential rate nga PHP 0.7110/kWh. Bisan pa nga adunay pagkunhod sa variable charges gikan sa atong mga Independent Power Producers (IPPs), usa sa atong mga nag-unang IPP (Independent Power Producers) — nga nagtugot ug dakong bahin sa atong contracted capacity — miagi ug Scheduled Preventive Maintenance Shutdown (PMS) sukad Marso 1 hangtod 21, 2025. Tungod niini, napugos kita sa pagkuha ug dugang nga kuryente gikan sa Wholesale Electricity Spot Market (WESM), diin mas taas ang presyo tungod sa dako nga demand ug limitado nga supply sa maong panahon.
Gawas pa niini, usa pa ka hinungdan sa pagsaka sa among Generation Rate mao ang pagkunhod sa atong energy sales, tungod kay usa sa atong big-load customers naghinay sa ilang produksiyon. Kini nga mga hinungdan misangpot sa pagsaka sa Generation Rate nga PHP 0.5793/kWh.
Adunay usab pagsaka sa Transmission Charge nga PHP 0.0144/kWh, nga resulta sa pagsaka sa Ancillary Services – Reserve Market Charges sa National Grid Corporation of the Philippines (NGCP), nga maoy naghatag ug backup power aron masiguro ang lig-on ug kasaligan nga supply sa kuryente.
Tungod sa mga kausaban sa rate, ang epektibong rate alang sa Residential Customers kay PHP 11.8006/kWh.
Sa laing bahin, ang Low Voltage adunay kinatibuk-ang pagsaka nga PHP 0.7548/kWh nga nagresulta sa epektibong rate nga PHP 11.0055/kWh,
Ang High Voltage nakasinati og kinatibuk-ang pagsaka nga PHP 0.6886/kWh nga nagresulta sa epektibong rate nga PHP 9.7546/kWh.
Giandam ni: Jamie Daisylette S. Dapal, REE; Energy Trading Chief
Infographic giandam sa Corporate Public Relations Office