RESIDENTIAL POWER RATES – MAYO 2025 MI’UBOS GIKAN SA PHP 11.8006/kWh NGADTO SA PHP 11.0500/kWh

Alang sa atong mga Residential nga Kustomer

Adunay kinatibuk-ang pagkunhod sa residential nga taripa nga nagkantidad og PHP 0.7506/kWh. Ang maong pag-ubos sa bayranan tungod sa mosunod nga mga hinungdan:

Mas ubos nga variable rates gikan sa atong Independent Power Producers (IPPs).

Pagsaka sa halin sa kuryente (Energy Sales).

Dugang pa:

Ang Transmission Rate mikunhod og PHP 0.0215/kWh, tungod sa pagsaka sa atong Coincident Peak demand.

Ang System Loss Rate mikunhod usab og PHP 0.0317/kWh.

Tungod niining mga kausaban, ang epektibong residential rate karon kay PHP 11.0500/kWh.

Sa laing bahin alang sa atong mga Non-Residential nga Kustomer

Ang atong Low Voltage Customers makasinati og kinatibuk-ang pagkunhod nga PHP 0.7122/kWh, nga magresulta sa epektibong rate nga PHP 10.2933/kWh, ug

Ang LOW VOLTAGE CONSUMERS mao kadtong mga konektado sa kuryente nga gi-tap sa secondary lines sa MORESCO-1 o kadtong mga linya nga molabay human sa mga transformer. Ang mga linya sa low voltage nagdala og rango sa 240 hangtud 480 volts sa kuryente. Pipila sa mga ehemplo mao ang mga gamay nga komersyal, mga street light, ug uban pang mga pampublikong pasilidad

Ang atong High Voltage Customers makapahimulos sa kinatibuk-ang pagkunhod nga PHP 0.7358/kWh, nga magresulta sa epektibong rate nga PHP 9.0189/kWh.

Ang HIGH VOLTAGE CONSUMERS mao kadtong mga gumagamit nga ang ilang koneksyon sa kuryente gi-tap sa primary lines sa MORESCO-1 o kadtong mga linya nga molabay sa unahan sa transformer. Ang mga linya sa high voltage nagdala og 7.62 kilovolts (kV), 13.2 kV o 23 kV nga kuryente. Pipila sa mga ehemplo mao ang dagko nga komersyal, mga planta ug mga espesyal nga operasyon nga adunay industrial nga load.

Giandam ni: Jamie Daisylette S. Dapal, REE; Energy Trading Chief

Infographic giandam sa Corporate Public Relations Office