Category: Posts

Advisories/BOARD OF DIRECTORS and District Elections

SPECIAL DISTRICT ELECTIONS FOR DISTRICT 10 (OPOL AND 4 CDO BRGYS) – JUNE 15, 2024

admin

TINAHOD NGA MGA MIYEMBRO-KONSUMIDOR SA DISTRITO 10 – OPOL UG  4 KA BARANGAY SA DAKBAYAN SA CAGAYAN DE ORO (Brgy, Canitoan, Pagatpat, San Simon ug Baikingon)

Gipahibalo kamo nga atong pagahimoon ang Usa (1) ka SPECIAL District Election sa DISTRICT 10 (Opol ug  4-ka Barangay sa Dakbayan sa Cagayan de Oro (Brgy, Canitoan, Pagatpat, San Simon ug Baikingon) karung HUNYO 15, 2024, usa ka adlaw nga Sabado. Kini pagasugdan sa alas 8:00 sa buntag ug pagahumanon sa alas 3:00 ang takna sa kahaponon.

Kini ipahigayon sa Opol National Secondary Technical School (ONSTS) + Satellite Precincts sa Canitoan Elementary School.

Ang mga miyembro nga bag-ohay pa lamang nga naa mahisulod sa 90 ka adlaw sa dili pa ang eleksyon dili pa pwede nga makabotar. Busa palihog tan-awa ninyo ang inyong ngalan sa gipang mantala ug giplastar nga mga Masterlist of Voters sa inyong Municipal Hall Bulletin Board ug Barangay Bulletin Board sa MORESCO-1 Corner aron inyong matino daan kong nahilakip ba kamo sa maong Masterlist.

Palihog susiha usab ang Calendar of Activities nga among gipasukip dinhi ug gipaskin sa mga tataw nga mga lugar sa Opol ug Brgy, Canitoan, Pagatpat, San Simon ug Baikingon aron inyong masusi kong anaa pa ba kamo sulod sa Inclusion-Exclusion Period o aron mahisubay kamo sa insakto nga schedule of activities sa election.

Ato usab nga ipahinumdum nga sumala sa atong by-laws dili pwede makabotar ang proxy. Palihug usab sa pagdala sa imong ID Card aron mas sayon ug dali ang pag verify kanimo panahon sa election.

Ikalipay namo ug dako ang inyong pakiglambigit niining importante nato nga kalihukan.

Daghang Salamat.

#PutMCOPowerInYourVote #EmpoweredMCOs #energizingdevelopment #empoweringlives #moresco1 #RecognizingtheRoleofEnhancedMCOEngagement #AchievingREGoals #2024SpecialDistrictElections

Advisories/BOARD OF DIRECTORS and District Elections

ADVISORY ON FAILURE OF SPECIAL ELECTION -DISTRICT 8 – ALUBIJID

admin


Maayong adlaw sa atong mga pinalanggang Miyembro-Konsumante-Tag-iya sa MORESCO-1 labi na gayud ang mga MCO sa Distrito sa ALUBIJID (DISTRICT 8).

Human sa pagtuki sa atong Screening Committee, ug subay sa gilagdaan nga RESOLUTION #9, Series of 2024 sa Screening Committee kabahin sa Piniliay nato sa Representante sa Hunta Direktiba sa atong District 8 (ALUBIJID) karung adlaw nga Sabado, Hunyo 8, kamo gipahibalo nga WALA KITAY QUALIFIED CANDIDATE NGA MUDAGAN SA MAONG PINILIAY . Busa usa kini ka

FAILURE OF SPECIAL ELECTION.

Ang MORESCO-1 Screening Committee nga gilangkuban sa mga miyembro sa Management Committee sa MORESCO-1 gikan sa Engineering Services Department, Finance Services Department ug gipanguluhan sa Institutional Services Department, ang departamento nga maoy gi-mandato sa pagpadagan sa mga election-related activities sa Kooperatiba ubos sa mandato sa NEA Memo No. 2014-019 – 2014 Guidelines on the Conduct of EC District Election for Electric Cooperatives.” Dated 01 July 2014, Section 13.2.2 nga gaingun “In no less than seven (7) days before the election, the Screening Committee shall prepare the duly certified candidates and officially inform all applicants accordingly.”

TUNGUD KAY WALA MAN KITAY MAHIMO NGA ELECTION PINASUBAY SA NA-APROBAHAN NGA SCHEDULE OF DISTRICT ELECTION SA NATIONAL ELECTRIFICATION ADMINISTRATION (NEA), KAMI MAGPADALA NA USAB UG PROPOSAL O SUGYOT KABAHIN SA PAGPAHIGAYON SA USA NA USAB KA ELECTION ARUN MAKAPILI UG DIRECTOR ANG DISTRITO 8 NGADTO SA HUNTA DIREKTIBA SA MORESCO-1.

SA PAGKA-KARUN, ANG ATO LAMANG PAABOTON MAO ANG DESISYON SA NEA SA SUNOD NGA SCHEDULE SA ELECTION SA DISTRITO SA ALUBIJID.

Daghang salamat sa inyong pagsabot.

Pahibalo gikan sa Institutional Services Department (ISD) sa MORESCO-1

Posts

MAY 2024 POWER RATES for RESIDENTIAL CONSUMERS – PHP11.0798 /KWH.

admin

PAHIBALO PARA SA MGA PINALANGGA NATONG MGA MEMBER-CONSUMER-OWNERS (MCOs).

ADUNAY GAMAY NGA PAGSAKA BALOR UG PHP 0.2793 /kWh SA ATONG “POWER RATES” alang sa atong mga RESIDENTIAL CONSUMERS para sa Billing Month sa MAYO 2024 – – – –

PHP 11.0798 /KWH.

Dala kini sa pagsaka sa variable cost sa pipila nato ka mga IPP Suppliers labi na sa Wholesale Electricity Spot Market (kun WESM), diin tataw kayo ang pagsaka sa demand o panginahanglanon sa kuryente sa tibuok nasud. Anaa usab sa mga gibalita nga ang Luzon ug Visayas Grid anaa sa Red ug Yellow Alert Status, pasabot nga ang ilang supply sa kuryente, nagkaubos na usab  epekto mao ang pagtaas usab sa balor sa kuryente

Bisan man tuod ug misaka ang Generation Rate balor ug PhP 0.1880/kWh ug ang Transmission Rate balor ug PhP 0.0982 kWh, aduna usay pag-ubos sa System Loss Rate nga mukabat ug PHP 0.356 / kWh.

Kini nga mga makanunayong kausaban mi resulta sa atong effective rate karung bulana ngadto sa PHP 11.0798 / kWh alang sa mga Residential nga konsumidor.

Sa kasamtangang bahin, kini ang taripa sa uban natong consumers:

LOW VOLTAGE CONSUMERS – Ang Low Voltage adunay kinatibuk’ang pag-saka ug PHP 0.2862 matag KwH nga adunay effective rate balor ug Php 10.1681/ kWh.

(Ang LOW VOLTAGE CONSUMERS mao kadtong mga konektado sa kuryente nga gi-tap sa secondary lines sa MORESCO-1 o kadtong mga linya nga molabay human sa mga transformer. Ang mga linya sa low voltage nagdala og rango sa 240 hangtud 480 volts sa kuryente. Pipila sa mga ehemplo mao ang mga gamay nga komersyal, mga street light, ug uban pang mga pampublikong pasilidad).

———————————————————————-

HIGH VOLTAGE CONSUMERS – Ang High Voltage adunay kinatibuk’ang pag-saka balor ug PHP0.1792 ug adunay effective rate balor ug PhP9.1947/ kWh ug demand rate PhP 618.9456 / Kw (with VAT).

Ang HIGH VOLTAGE CONSUMERS mao kadtong mga gumagamit nga ang ilang koneksyon sa kuryente gi-tap sa primary lines sa MORESCO-1 o kadtong mga linya nga molabay sa unahan sa transformer. Ang mga linya sa high voltage nagdala og 7.62 kilovolts (kV), 13.2 kV o 23 kV nga kuryente. Pipila sa mga ehemplo mao ang dagko nga komersyal, mga planta ug mga espesyal nga operasyon nga adunay industrial nga load.

PALIHUG AYAW NA PAGLANGAN SA PAGBAYAD SA INYONG BINULAN NGA BALAYRONON SA KURYENTE, KAY ATO NANG GISUGDAN ANG ‘ONE MONTH DISCONNECTION POLICY.”

DAGHAN SALAMAT SA INYONG MAKANUNAYON PAGSUPORTA.

(Information on Energy Sales and Power Rates : Jamie Daisylette Dapal , REE)