Sabado, Marso 21, 2026 Manticao Central School Manticao, Misamis Oriental
Maayong adlaw sa atong mga tinahod nga mga Miyembro-Konsumante-Tag-iya sa MORESCO-1 labi na gayud ang mga MCO sa DISTRICT 2 – MANTICAO DISTRICT
Human sa pagtuki sa atong Screening Committee pinasubay sa gipagawas nga SC Resolution Number 01, Series of 2025 alang sa Piniliay nato sa Representante sa Hunta Direktiba sa atong District 2 (MANTICAO) karung Sabado, Marso 21, 2026, kamo gipahibalo nga aduna kitay usa ra ka Qualified Candidate nga mudagan ug magpa pili isip Board of Director.
Busa usa kini ka UNCONTESTED Election. Ang atong official lone candidate mao si:
DOMINIQUE CABAHUG ASOK
TUNGUD KAY UNCONTESTED MAN KINI NGA ELECTION, DILI NA KINAHANGLAN NGA MAGTAPOK PA ANG ATONG MGA MEMBER-CONSUMER-OWNERS ARUN SA PAGBUTAR SA ATONG MGA ASSIGNED PRECINCTS SA PRE-ARRANGED ELECTION VENUE – Manticao Central School, Manticao, Misamis Oriental
Ato lamang nga pormal nga paga-abrehan ang atong gitagana nga ballot box karong Sabado, Marso 21, 2026 sa alas otso (08:00hs) sa buntag, i-hulog ang bisan 3 – 5 lamang ka mga official ballots nga i-cast arun ma-tala nga nahitabo gayud ang usa ka election. Dinha na dayun i-proklama ug i-hurar ang napili nga kandidato (midaug).
Ang MORESCO-mapainubsanon nga nagpahibalo sa tanang Member-Consumer-Owners (MCO) nga pagahimoon ang District Election sa District 2 – Manticao sa Sabado, Marso 21, 2026, gikan 8:00 sa buntag hangtod 3:00 sa hapon, sa Manticao Central School.
Giawhag ang tanang kwalipikadong MCO nga motan-aw sa Masterlist of Voters nga gipahimutang sa Municipal Hall Bulletin Board, Barangay Bulletin Board, ug sa MORESCO-1 Corner, aron masiguro kung ang inyong ngalan nakalakip sa listahan sa mga botante. Hinumdumi nga ang mga bag-ong miyembro nga wala pa makakompleto og 90 ka adlaw nga pagka-miyembro sa dili pa ang eleksyon dili pa mahimong makabotar.
Palihog usab susiha ang Calendar of Activities alang sa Inclusion–Exclusion Period aron mahibal-an kung unsaon pagpaapil o pagpausab sa inyong rekord kon gikinahanglan.
Sumala sa By-Laws sa kooperatiba, dili tugotan ang proxy voting. Ang matag MCO kinahanglan personal nga motambong aron makabotar. Palihog dad-a ang inyong valid ID aron mapadali ang pag-verify sa adlaw sa eleksyon.
Dako ang among pagdahom sa inyong aktibong partisipasyon niini nga mahalagang kalihukan sa atong kooperatiba.
Adunay kinatibuk-ang pagsaka sa Residential Rate nga PHP 0.2707/kWh. Kini nga pagsaka tungod sa mosunod nga mga hinungdan:
Bisan pa niubos ang Generation Rate og mga PHP 0.2103/kWh—nga resulta sa pagkunhod sa variable rates sa atong Independent Power Producers (IPPs)—misaka gihapon ang kinatibuk-ang epektibong rate. Kini tungod kay misaka ang Transmission Rate og mga PHP 0.4362/kWh. Ang maong pagsaka giresulta sa pagtaas sa Coincident Peak (CP) Allocation alang sa atong Residential nga mga kustomer.
Dugang pa niini, ang Energy Regulatory Commission (ERC) nagpagawas usab sa mosunod nga mga pahibalo:
Ang ilang Desisyon sa aplikasyon sa National Transmission Corporation (TransCo) alang sa pag-apruba sa Feed-in-Tariff Allowance (FiT-All) para sa Calendar Year 2025, nga nagkantidad og PHP 0.2073/kWh;
Ang pag-alsa sa suspensyon sa paningil sa Universal Charge – Environmental Charge, nga nagkantidad og PHP 0.0025/kWh.
Sa laing bahin, niubos usab ang atong System Loss Rate og PHP 0.0202/kWh.
Tungod sa tanang kini nga mga kausaban, ang epektibong residential rate karon kay PHP 11.4750/kWh.
Mga Non-Residential nga Kustomer
• Low Voltage Customers – makasinati og net nga pagsaka nga PHP 0.6902/kWh, nga moresulta sa epektibong rate nga PHP 10.9658/kWh.
Ang Low Voltage Consumers mao kadtong mga konektado sa kuryente nga gi-tap sa secondary lines sa MORESCO-1, o kadtong mga linya nga molabay human sa transformer. Ang low voltage nga linya nagdala og 240 hangtod 480 volts nga kuryente. Pipila sa mga ehemplo niini mao ang gamay nga mga komersyal nga establisemento, street lights, ug uban pang mga pampublikong pasilidad.
• High Voltage Customers – makasinati usab og net nga pagkunhod nga PHP 0.2540/kWh, nga adunay epektibong rate nga PHP 9.1766/kWh.
Ang High Voltage Consumers mao kadtong mga gagamit nga ang ilang koneksyon sa kuryente gi-tap sa primary lines sa MORESCO-1, o kadtong mga linya nga molabay sa unahan sa transformer. Ang high voltage nga linya nagdala og 7.62 kilovolts (kV), 13.2 kV, o 23 kV nga kuryente. Pipila sa mga ehemplo niini mao ang dagkong komersyal nga establisemento, mga planta, ug mga espesyal nga operasyon nga adunay industrial nga load.
________________________________________
PALIHUG AYAW NA PAGLANGAN SA PAGBAYAD SA INYONG BINULAN NGA BALAYRONON SA KURYENTE, KAY ATO NANG GIPAHAMTANG ANG ‘ONE MONTH DISCONNECTION POLICY.”
DAGHAN SALAMAT SA INYONG MAKANUNAYON PAGSUPORTA.
(Impormasyon bahin sa Pagbaligya sa Enerhiya ug mga Rate sa Kuryente gi-andam ni Energy Trading Chief, Engr. Jamie Daisylette Dapal , REE ug ang Social Media Posting gipahimutang sa CPRO sa Institutional Services Department)
