Category: Advisories

DISTRICT 10 (OPOL & 4 BRGYS OF CAGAYAN DE ORO – CANITOAN, BAIKINGON, PAGATPAT, UG SAN SIMON Sabado, Hunyo 15, 2024 Opol National Secondary Technical School (ONSTS) Taboc, Opol, Misamis Oriental

Maayong adlaw sa atong mga pinalanggang Miyembro-Konsumante-Tag-iya sa MORESCO-1 labi na gayud ang mga MCO sa DISTRICT 10 (OPOL & 4 Barangays of Cagayan De Oro – Canitoan, Baikingon, Pagatpat, ug San Simon)

Human sa pagtuki sa atong Screening Committee pinasubay sa gipgawas nga Resolution Number 11, Series of 2024 alang sa Piniliay nato sa Representante sa Hunta Direktiba sa atong District 10 (OPOL & 4 Barangays of Cagayan De Oro) karung Sabado, Hunyo 15, 2024, kamo gipahibalo nga aduna kitay usa ra ka Qualified Candidate nga mudagan ug magpa pili isip Board of Director.

Busa usa kini ka UNCONTESTED Election. Ang atong official candidate mao si:

RITCHIE “POPOY” ADAYA VELUZ

TUNGUD KAY UNCONTESTED MAN KINI NGA ELECTION, DILI NA KINAHANGLAN NGA MAGTAPOK PA ANG ATONG MGA MEMBER-CONSUMER-OWNERS ARUN SA PAGBUTAR SA ATONG MGA ASSIGNED PRECINCTS SA PRE-ARRANGED ELECTION VENUE — Opol National Secondary Technical School (ONSTS)

Ato lamang nga pormal nga paga-abrehan ang atong gitagana nga ballot box karong Sabado, Hunyo 15, 2024 sa alas otso (08:00hs) sa buntag, i-hulog ang bisan 3 – 5 lamang ka mga official ballots nga i-cast arun ma-tala nga nahitabo gayud ang usa ka election. Dinha na dayun i-proklama ug i-hurar ang napili nga kandidato (midaug).

Daghang Salamat.

TINAHOD NGA MGA MIYEMBRO-KONSUMIDOR SA DISTRITO 10 – OPOL UG  4 KA BARANGAY SA DAKBAYAN SA CAGAYAN DE ORO (Brgy, Canitoan, Pagatpat, San Simon ug Baikingon)

Gipahibalo kamo nga atong pagahimoon ang Usa (1) ka SPECIAL District Election sa DISTRICT 10 (Opol ug  4-ka Barangay sa Dakbayan sa Cagayan de Oro (Brgy, Canitoan, Pagatpat, San Simon ug Baikingon) karung HUNYO 15, 2024, usa ka adlaw nga Sabado. Kini pagasugdan sa alas 8:00 sa buntag ug pagahumanon sa alas 3:00 ang takna sa kahaponon.

Kini ipahigayon sa Opol National Secondary Technical School (ONSTS) + Satellite Precincts sa Canitoan Elementary School.

Ang mga miyembro nga bag-ohay pa lamang nga naa mahisulod sa 90 ka adlaw sa dili pa ang eleksyon dili pa pwede nga makabotar. Busa palihog tan-awa ninyo ang inyong ngalan sa gipang mantala ug giplastar nga mga Masterlist of Voters sa inyong Municipal Hall Bulletin Board ug Barangay Bulletin Board sa MORESCO-1 Corner aron inyong matino daan kong nahilakip ba kamo sa maong Masterlist.

Palihog susiha usab ang Calendar of Activities nga among gipasukip dinhi ug gipaskin sa mga tataw nga mga lugar sa Opol ug Brgy, Canitoan, Pagatpat, San Simon ug Baikingon aron inyong masusi kong anaa pa ba kamo sulod sa Inclusion-Exclusion Period o aron mahisubay kamo sa insakto nga schedule of activities sa election.

Ato usab nga ipahinumdum nga sumala sa atong by-laws dili pwede makabotar ang proxy. Palihug usab sa pagdala sa imong ID Card aron mas sayon ug dali ang pag verify kanimo panahon sa election.

Ikalipay namo ug dako ang inyong pakiglambigit niining importante nato nga kalihukan.

Daghang Salamat.

#PutMCOPowerInYourVote #EmpoweredMCOs #energizingdevelopment #empoweringlives #moresco1 #RecognizingtheRoleofEnhancedMCOEngagement #AchievingREGoals #2024SpecialDistrictElections

Maayong adlaw sa atong mga pinalanggang Miyembro-Konsumante-Tag-iya sa MORESCO-1 labi na gayud ang mga MCO sa Distrito sa ALUBIJID (DISTRICT 8).

Human sa pagtuki sa atong Screening Committee, ug subay sa gilagdaan nga RESOLUTION #9, Series of 2024 sa Screening Committee kabahin sa Piniliay nato sa Representante sa Hunta Direktiba sa atong District 8 (ALUBIJID) karung adlaw nga Sabado, Hunyo 8, kamo gipahibalo nga WALA KITAY QUALIFIED CANDIDATE NGA MUDAGAN SA MAONG PINILIAY . Busa usa kini ka

FAILURE OF SPECIAL ELECTION.

Ang MORESCO-1 Screening Committee nga gilangkuban sa mga miyembro sa Management Committee sa MORESCO-1 gikan sa Engineering Services Department, Finance Services Department ug gipanguluhan sa Institutional Services Department, ang departamento nga maoy gi-mandato sa pagpadagan sa mga election-related activities sa Kooperatiba ubos sa mandato sa NEA Memo No. 2014-019 – 2014 Guidelines on the Conduct of EC District Election for Electric Cooperatives.” Dated 01 July 2014, Section 13.2.2 nga gaingun “In no less than seven (7) days before the election, the Screening Committee shall prepare the duly certified candidates and officially inform all applicants accordingly.”

TUNGUD KAY WALA MAN KITAY MAHIMO NGA ELECTION PINASUBAY SA NA-APROBAHAN NGA SCHEDULE OF DISTRICT ELECTION SA NATIONAL ELECTRIFICATION ADMINISTRATION (NEA), KAMI MAGPADALA NA USAB UG PROPOSAL O SUGYOT KABAHIN SA PAGPAHIGAYON SA USA NA USAB KA ELECTION ARUN MAKAPILI UG DIRECTOR ANG DISTRITO 8 NGADTO SA HUNTA DIREKTIBA SA MORESCO-1.

SA PAGKA-KARUN, ANG ATO LAMANG PAABOTON MAO ANG DESISYON SA NEA SA SUNOD NGA SCHEDULE SA ELECTION SA DISTRITO SA ALUBIJID.

Daghang salamat sa inyong pagsabot.

Pahibalo gikan sa Institutional Services Department (ISD) sa MORESCO-1