PAGPA-SABOT:
Para sa Residential Customers
Adunay kinatibuk-ang pagtaas sa Residential Rates nga nagkantidad og PHP 0.7191/kWh. Kini nga pagtaas tungod sa mosunod nga mga hinungdan:
1. Pagtaas sa Generation Rate (PHP 0.5653/kWh)
Bisan pa og adunay gamay nga pagkunhod sa Total Generation Cost nga nagkantidad og PHP 983,500.15, nisaka gihapon ang Generation Rate tungod kay adunay pagkunhod sa Energy Input nga 1,827,736 kWh.
Ang pagkunhod sa energy sales mahimong nagpasabot nga mikunhod ang konsumo sa kuryente sa mga industriya ug apil na usab ang residential nga mga konsumante.
2. Pagtaas sa Transmission Rate (PHP 0.0264/kWh)
Kini tungod sa pagtaas sa Transmission Charge nga gisukot sa National Grid Corporation of the Philippines (NGCP). Ang pagtaas nag-una gikan sa Ancillary Service Charges.
Ang Ancillary Services (AS) mao ang mga serbisyo nga nagsuporta aron mapadayon ang kalig-on, kasaligan, ug episyente nga operasyon sa power grid. Lakip niini ang gasto gikan sa AS Reserve Market ug sa mga provider nga adunay kasabutan (bilateral contracts) uban sa NGCP. Kini nga mga serbisyo importante aron ma-manage ang padayon nga pag-usab-usab sa produksyon, paggamit, ug pagbalhin sa kuryente.
Resulta sa Bag-ong Rates
• Ang bag-ong Residential Rate kay PHP 12.5904/kWh
• Ang Low Voltage Customers makasinati og net increase nga PHP 0.6340/kWh, ug mahimong PHP 12.2847/kWh ang ilang rate
• Ang High Voltage Customers makasinati usab og net increase nga PHP 0.6859/kWh, ug mahimong PHP 9.9454/kWh ang ilang rate
Gihimo ni:
Jamie Daisylette S. Dapal, REE
Energy Trading Chief