TINAHOD NGA MGA MIYEMBRO-KONSUMIDOR
Gipahibalo kamo nga atong pagahimoon ang mga District Elections sa pipila ka mga distrito sa MORESCO-1 sulod ning tuig 2022. Kini ng mga kalihukan arun pagpipili ug mahimong Director sa maong distrito alang sa Hunta Direktiba sa Kooperatiba, gitagaan ug panugot sa National Electrification Administration (NEA), ang ahensiya sa kagamhanan nga nakatutok sa pagpalig-on sa pakigtimbayayong arun lig-unon ug ipalungtad ang rural electrification program, pinaagi sa mga electric cooperatives sa nasud.
Ang mga schedule mao ang musunod:
June 25 INITAO
August 6 ALUBIJID
August 13 EL SALVADOR CITY
August 20 OPOL
September 3 NAAWAN
September 10 LUGAIT
September 17 GITAGUM
September 24 LAGUINDINGAN
Ang mga miyembro nga bag-ohay pa lamang nga naa mahisulod sa 90 ka adlaw sa dili pa ang gimantala nga eleksyon dili pa pwede nga makabotar. Busa palihog tan-awa ninyo ang inyong ngalan sa gipang mantala ug giplastar nga mga Masterlist of Voters sa inyong Municipal Hall Bulletin Board ug Barangay Bulletin Board sa MORESCO-1 Corner aron inyong matino daan kong nahilakip ba kamo sa maong Masterlist.
Palihog susiha usab ang gitagana nga Calendar of Activities nga among ipasukip dinhi kabahin sa mga kalihukan alayon sa maong election sa District. Ipaskin usab kini sa mga tataw nga mga lugar sa inyong mga distrito aron inyong masusi kong anaa pa ba kamo sulod sa Inclusion-Exclusion Period o aron mahisubay kamo sa insakto nga schedule of activities sa election.
Ato usab nga ipahinumdum nga sumala sa atong by-laws dili pwede makabotar ang proxy. Palihug usab sa pagdala sa imong ID Card aron mas sayon ug dali ang pag verify kanimo panahon sa election.
Ikalipay namo ug dako ang inyong pakiglambigit niining importante nato nga kalihukan.
Daghang Salamat.