Maayong Adlaw mga Tinahud ug Pinalangga nga Miyembro-Konsumante-Tag’iya sa MORESCO-1.
Ang atong Kooperatiba buot motunol ug gamay’ng pahalipay kaninyo agi’g pasalamat sa inyong makanunayong suporta pina’agi sa temprano ninyo nga pagbayad sa inyong mga obligasyon sa kuryente.
Busa atong gihangyo ang atong mga buotan nga Miyembro sa pagbayad sa inyong mga obligasyon sa Kuryente sa kinatibuk-an kay aduna usab kitay giandam nga 2023 nga Kalendaryo alang kaninyo.
Hinaot nga inyong masabtan among pinalangga nga mga miyembro.
Alang niadtong mga establisamento ug mga miyembro-konsumidor nga mga dagkong negosyo nga buot mobayad sa ilang balayrunon sa kuryente gamit ang tseke o check payment. Ania ang musonod nga mga pamaagi sa (A) Application and Evaluation ug (B) Returned Check:
APPLICATION AND EVALUATION
Pangayo ug i-fill-up ang CHECK PAYMENT APPLICATION FORM nga makuha sa mga Service Area Offices. (Palihug isukip o i-attach ang CERTIFICATE OF GOOD STANDING nga gi-isyu sa depository bank.
Ihatag and Application Form sa Teller
Ang Teller maoy mo-forward niini sa among Treasury Office sa MORESCO-1 arun kini ma-evaluate.
Ang Treasury Office mohimo sa evaluation bahin sa maong application ug mo-endorse ug notify sa Service Area Teller sa resulta.
Ang Service Area Teller mao na ang mopahibalo sa member-consumer-owners (MCOs) sa resulta sa evaluation sa application niini.
RETURNED CHECK
Ang (Service Area) Teller mao ang mo-reverse sa collection ug i-cancel ang Official Receipt (OR) nga na issue niini nga bayad.
Ang (Service Area) Teller ao ang magpahibalo sa miyembro-konsumidor sa “reversal of payment” ug mo-advise sa maong konsumidor sa mosunod:
Kung ang Cheque | Check | Tseke “No Sufficient Fund” (NSF) – ug kinahanglan ang maong Member- Consumer mobayad sa maong balayronon “in cash” sulod lamang sa duha (2) ka adlaw gikan sa pagdawat sa maong notice. (IMPORTANTE NGA IMPORMASYON – Single Incident of NSF check will disqualify the member-consumer to pay check for a period of 1 year.
Kung gawas kini sa NSF nga rason – ang giuli nga tseke (returned check) pagahulipan | ilisdan | i-deposito sulod lamang sa duha (2) ka adlaw gikan sa pagdawat sa maong notice.
Ang (Service Area) Teller mao ang mo-transact sa maong gibayad ngadto sa system ug mo-hatag kini ug bag-ong Official Receipt.
Arun nato makita kung asa mupaingun ang atong mga binulan nga bayad sa kuryente, among paninguhaon nga mai’pakita ang kinatibuk-an sa atong monthly power bill ug himay-himayon ang mga rason sa kada linya niini. Asa mupaingun ang inyong gibayad ug arun mapasabot nga dili lamang ang MORESCO-1 ang inyong gibayran.
Ang tanang taripa nga mulangkub sa kinatibuk-an balayrunon sa mga konsumidor sa kuryente, miagi ug pagsusi, pagtuki ug inaprobahan kini sa Energy Regulatory Commission (ERC),usa ka ahensiya sa gobyerno nga maoy adunya mandato sa kung pila ang balayrunon sa kuryente gikan sa paghimo, pag-angkat, pagpalit, pag-apud-apud ngadto sa mga end-users.
Ang binuloan nga kantidad nga P1.9561 matag kWh nga mopaingun sa MORESCO-1 isip distribution utility – electric cooperative, gamiton arun makasustento sa operasyon niini, ug pagpadagan sa negosyo sa kuryente. Kini nga kantidad, walay pagtaas gikan pa sa tuig 2010.
Ang MORESCO-1 nahimo lamang COLLECTOR sa ubang taripa arun ibayad sa planta sa Generation sa sugang dagitab ug elektrisidad, sa NGCP ug buhis alang sa Gobyerno.
SA PIPILA LAMANG KA MGA LINYA, KINING MOSUNOD MAO ANG RASON SA PAGTAAS SA BALAYRANAN SA KURYENTE
1. Pagtaas sa presyo sa kuryente nga atong gipalit sa mga planta (generation companies).
2. Pagmahal sa presyo sa coal (mineral) nga gigamit panugnod sa mga planta arun makagama ug kuryente tungod sa pag-ubos sa kantidad sa Piso batuk Dolyar.
3. Pag-ubos sa supply sa coal tungod sa paglimita sa mga nasud nga nagsupply niini.
4. Pag-ubos sa supply sa coal tungod apektado kini sa gyera sa Ukraine batok Russia.
5. Ang makanunayong pag-ubos sa balor o exchange rate sa Philippine Pesos batok sa US Dollar tungud sa pagpataas sa interest rates sa Estados Unidos sa Amerika.
Hinaot nga amo kamong mapasabot ug matagaan kami ug panahon nga ipasabot kining mga panghitabo nga nakaingun sa kamahal dili lamang sa kuryente, apan apil na usab ang mga lain-laing mga consumer goods and services nga atong gisagubang karun.
